Ləğv edilmiş MTN-in Baş İdarə rəisinin məhkəməsi başlayıb

Ləğv edilmiş MTN-in Baş İdarə rəisinin məhkəməsi başlayıb

16.07.2019

10:20

Ləğv edilmiş Milli Təhlükəsizlik Nazirliyinin (MTN) Əks-kəşfiyyat Baş İdarəsinin rəisi, general-mayor Ədalət Hüseyn oğlu Əsədullayevin barəsindəki cinayət işi üzrə məhkəmə prosesi başlayıb.

APA-nın məlumatına görə, Bakı Hərbi Məhkəməsində məhkəmənin sədri Həbib Həsənovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.

Məhkəmə baxışı iyulun 24-ə təyin edilib.

Qeyd edək ki, Ə.Əsədullayev MTN ləğv olunandan sonra sərəncama götürülüb. General ötən il həbs edilib və ona Cinayət Məcəlləsinin 311.3.3-cü (külli miqdarda rüşvət alma) maddəsi ilə ittiham verilib. Səbail rayon Məhkəməsinin qərarı ilə barəsində həbs qətimkan tədbiri seçilib.

Onu da əlavə edək ki, bundan əvvəl Ə.Əsədullayevin adı “MTN işi”ndə şahid qismində keçib.

PAYLAŞMAQ: