“”Arsenal”la ikinci oyun birinciyə bənzəyəcək”

“”Arsenal”la ikinci oyun birinciyə bənzəyəcək”

Avqust 1, 2019

Əgər Tulada uduzsaydıq, buna görə təyyarə reysinin gecikməsini bəhanə etmək doğru olmazdı. Biz peşəkarıq. Yaxşı həkimlərimiz və massajçılarımız var. Onlar futbolçuları oyuna hazırlaya bilmişdilər.

Bu sözləri “Neftçi”nin müdafiəçisi Kirill Petrov Rusiyanın “İzvestiya” qəzetinə açıqlamasında deyib.

Bu gün Tula “Arsenal”ına qarşı keçiriləcək Avropa Liqasının ikinci təsnifat mərhələsinin oyunu barədə fikirlərini açıqlayan ukraynalı futbolçu deyib: “Tulada atmosfer super idi. Yerli azarkeşlərin dəstəyi bizə təzyiq olmadı. Əksinə stadionu dolu görmək xoş idi. Biz onlar üçün oynayırıq. Bakıda arena kiçikdir. Çempionatın matçlarına çox adam gəlmir. Amma ümid edirəm ki, “Arsenal”la cavab matçında stadion dolacaq. Məncə, ikinci oyun birinciyə bənzəyəcək. Biz üstünlük barədə düşünməməliyik. Meydana ilk matç 0:0 hesabı ilə yekunlaşıbmış kimi çıxacağıq”.

Xatırladaq ki, “Neftçi” ilk matçda səfərdə “Arsenal”a 1:0 hesabı ilə qalib gəlib. Bu komandaların təkrar oyunu bu gün Bakıda keçiriləcək və saat 21.00-da başlanacaq.

PAYLAŞMAQ: