Berlin hərbi xərcləri artıracaq

Berlin hərbi xərcləri artıracaq

Avqust 8, 2019

Almaniya gələcəkdə də müdafiə və təhlükəsizlik xərclərini artıracaq.

AZƏRTAC xəbər verir ki, bunu ölkənin federal kansleri Angela Merkel bəyan edib. Ötən ilin məlumatına görə, AFR NATO-dakı digər tərəfdaşları ilə birlikdə öz öhdəsinə müdafiə məqsədləri üçün xərcləri artırmağı götürüb və növbəti 5 il ərzində onların həcmini ölkənin ümumi daxili məhsulunun 1,5 faizinə çatdırıb.

Xatırladaq ki, növbəti ildə 1,37 faiz həcmində təxsisat nəzərdə tutulub. Bu, 2019-cu ildə olduğundan 2 milyard avro çoxdur. Almaniya hökuməti etiraf edib ki, bir çox illər ərzində bundesverin maliyyələşdirilməsi yetərincə olmayıb. Eyni zamanda, bu quruma ayrılan məbləğ Müdafiə Nazirliyinin istədiyindən azdır.

PAYLAŞMAQ: